Psalms 6

1O Yahweh, saannak a tubtubngaren iti ungetmo wenno dusdusaen iti pungtotmo. 2Kaasiannak, O Yahweh, ta nakapuyak; agasannak, O Yahweh, ta agkutkutukot dagiti tulangko.

3Mariribukan pay unay ti kararuak. Ngem sika, O Yahweh - aginggana kaano nga agtultuloy daytoy? 4Agsublika, O Yahweh! Ispalennak. Isalakannak gapu iti kinapudnom iti tulagmo! 5Ta iti patay, awan pakalaglagipan kenka. Idiay sheol, siasino ti agyamanto kenka?

6Agkakapsutak iti panagasugko. Agpatpatnag a maslep ti pagiddaak kadagiti luluak; basbasaek ti punganko kadagiti luluak. 7Limmidem dagiti matak gapu iti ladingit; agkapuydan gapu kadagiti amin a kabusorko.

8Adaywandak, dakayo amin nga agar-aramid iti kinadakes; ta nangngeg ni Yahweh ti timek ti panagsangitko. 9Nangngeg ni Yahweh ti panagkiddawko iti kaasi; inawat ni Yahweh ti kararagko. Mabainanto dagiti amin a kabusorko ken mariribukandanto iti kasta unay. Agsanuddanto ket dagusda a mapabainan.

10